ប្រូម៉ូសិន
ប្រូម៉ូសិន
អិលអូអិលស៊ី លើកកម្ពស់ការអប់រំតាមរយៈមធ្យោបាយធ្វើដំណើរដែលមិនប៉ះពាល់ដល់បរិស្ថាន
ខេត្តកំពង់ស្ពឺ ថ្ងៃទី០២ ខែធ្នូ ឆ្នាំ២០២៣៖ គណៈគ្រប់គ្រង និងបុគ្គលិកនៃគ្រឹះស្ថានមីក្រូហិរញ្ញវត្ថុ អិលអូអិលស៊ី (LOLC) ភីអិលស៊ី បានរៀបចំកម្មវិធីផ្តល់ជូនកង់សម្រាប់ធ្វើដំណើរ និងសម្ភារសិក្សាមួយចំនួនជូនដល់សិស្សានុសិស្សសរុបចំនួន២១នាក់ ដែលក្នុងម្នាក់ៗទទួលបានកង់១ និងសម្ភារសិក្សាមួយចំនួនដូចជា កាបូបស្ពាយ សៀវភៅ ប៊ិច និងសម្ភារសិក្សាមួយចំនួនផ្សេងទៀត។ កិច្ចការងារសង្គមនេះត្រូវបានធ្វើឡើងក្រោមប្រធានបទ “លើកកម្ពស់ការអប់រំតាមរយៈមធ្យោបាយធ្វើដំណើរដែលមិនប៉ះពាល់ដល់បរិស្ថាន” ។
កម្មវិធីនេះប្រព្រឹត្តទៅនៅបរិវេណសាលាបឋមសិក្សា៧មករា ស្ថិតក្នុងខេត្តកំពង់ស្ពឺ ដែលមានគោលបំណងចូលរួមចំណែក និងគាំទ្រការងារទំនួលខុសត្រូវសង្គមដើម្បីលើកកម្ពស់វិស័យអប់រំនៅកម្ពុជា តាមរយៈការលើកទឹកចិត្តសិស្សានុសិស្សឱ្យខិតខំប្រឹងប្រែងរៀនសូត្រ ដើម្បីក្លាយជាសរសរទ្រូងនៃប្រទេសជាតិនាពេលអនាគត។ អិលអូអិលស៊ី (LOLC) ជឿជាក់ថាការរួមចំណែកនេះនឹងបានផ្តល់ជាផលប្រយោជន៍ដល់សិស្សានុសិស្ស ជាពិសេសកុមារដែលមានភាពខ្វះខាតដើម្បីអាចមានឱកាសទទួលបានការអប់រំកាន់តែល្អប្រសើរថែមមួយកម្រិតទៀត តាមរយៈការទទួលបានការឧបត្ថម្ភសម្ភារសិក្សា និងមធ្យោបាយធ្វើដំណើរទៅសាលារៀនងាយស្រួលជាងមុន។ ស្របពេលជាមួយគ្នានោះ ការផ្តល់ជូនកង់ទៅកាន់សិស្សានុសិស្សក៏ជាការរួមចំណែកកាត់បន្ថយផលប៉ះពាល់ដល់បរិស្ថានតាមរយៈមធ្យោបាយធ្វើដំណើរដែលគ្មានផ្សែង។
គួរបញ្ជាក់ផងដែរថា នេះគឺជាសកម្មភាពមួយក្នុងចំណោមកិច្ចការងារសង្គមជាច្រើនផ្សេងទៀតដែល អិលអូអិលស៊ី (LOLC) បានរៀបចំឡើង និងកំពុងរៀបចំបន្ថែមទៀត ដោយធ្វើយ៉ាងណាឱ្យប្រាកដថា ការផ្តល់សេវាកម្មដល់អតិថិជន ការលើកកម្ពស់បរិយាបន្នហិរញ្ញវត្ថុនៅកម្ពុជា ការរួមចំណែកកិច្ចការសង្គម និងការផ្តល់ត្រលប់ទៅកាន់សហគមន៍ ត្រូវបានដើរទន្ទឹមគ្នានិងត្រូវបានយកចិត្តទុកដាក់ខ្ពស់បំផុតពី អិលអូអិលស៊ី (LOLC)៕
Publish date: December 02, 2023
Related Post
Request Call Back
អិលអូអិលស៊ី (ខេមបូឌា) ភីអិលស៊ី បានបម្រើដល់សាធារណជន និងសង្គមកម្ពុជា អស់រយៈពេលជាង២៩ឆ្នាំមកហើយ ហើយក៏ត្រូវបានទទួលស្គាល់ពីស្ថាប័នហិរញ្ញវត្ថុជាតិ និងអន្តរជាតិផងដែរ។ ផលិតផល និងសេវាកម្មរបស់យើង ត្រូវបានបង្កើតឡើងដើម្បីសម្រួលដល់ជីវភាពរស់នៅរបស់អតិថិជនកម្ពុជា។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
 ទូរស័ព្ទ៖ (+៨៥៥) ២៣ ៩៩១ ៩៩១  សារអេឡិចត្រូនិច៖ info@lolc.com.kh |
     |
©Copyrght 2024 LOLC (Cambodia) Plc , All Rights Reserved