ដើម្បីបន្តក្តីសុបិន្តរបស់គាត់ក្នុងការពង្រីកអាជីវកម្មរបស់គាត់ និងសម្រេចបាននូវភាពរីកចម្រើនកាន់តែខ្លាំង បងប្រុស វង្ស ប៊ុនថាត បានចាប់ដៃគូជាមួយ LOLC ដោយយកប្រាក់កម្ចីដើម្បីវិនិយោគលើអាជីវកម្មរបស់គាត់។
នេះគឺជារឿងរ៉ាវ បងប្រុស វង្ស ប៊ុនថាត ដែលជាកសិករប្រកបរបរដាំស្វាយចន្ទី ដាំដំឡូង និងជាអ្នកបណ្តុះផ្សិតលក់ស្ថិតនៅភូមិអូរទេវតា ឃុំកំពង់ដំរី ស្រុកឆ្លូង ខេត្តក្រចេះ។
បងប្រុស មានការតាំងចិត្ត និងមានក្តីស្រមៃចង់ពង្រីកអាជីវកម្មរបស់ខ្លួនឱ្យកាន់តែរីកចម្រើន ប៉ុន្តែគាត់ពុំមានដើមទុនគ្រប់គ្រាន់ដើម្បីធ្វើវា។ ស្របពេលជាមួយគ្នានោះផងដែរ គាត់ត្រូវបានណែនាំឱ្យស្គាល់ អិលអូអិលស៊ី (LOLC) ខណៈពេលនោះគាត់ក៏បានសម្រេចចិត្តខ្ចីកម្ចីពី អិលអូអិលស៊ី (LOLC) លើកដំបូងដើម្បីធ្វើជាទុនវិនិយោគក្នុងអាជីវកម្មរបស់គាត់ ក៏ដូចជាការចាប់ផ្តើមថ្មីមួយផងដែរ។
ជាមួយនឹងប្រាក់កម្ចីដំបូងបងប្រុស វង្ស ប៊ុនថាត និងភរិយាបានយកទៅទិញដីចម្ការ និងបានពង្រីកកន្លែងបណ្តុះផ្សិតបន្ថែម ដែលជាហេតុធ្វើឱ្យការបណ្ដុះផ្សិតរបស់គាត់ទទួលបានផលច្រើនជាងមុន ហើយអាចផ្គត់ផ្គង់ផ្សិតទៅកាន់អតិថិជនរបស់គាត់បានគ្រប់គ្រាន់ និងទាន់ពេលវេលា រួមទាំងបានទាក់ទាញអតិថិជនថ្មីៗឱ្យកាន់តែច្រើនបន្ថែមទៀតផងដែរ។ ការចាប់ផ្តើមនៃការប្រើប្រាស់កម្ចីជាដើមទុននេះ បានធ្វើឱ្យអាជីវកម្មរបស់បងប្រុស មានការរីកចម្រើនយ៉ាងឆាប់រហ័ស។ ដោយមើលឃើញពីភាពជោគជ័យនៃអាជីវកម្ម បងប្រុស បានស្នើប្រាក់កម្ចីចំនួនពីរវគ្គបន្ថែមទៀតពី អិលអូអិលស៊ី (LOLC) ដើម្បីពង្រីកអាជីវកម្មរបស់ខ្លួន ក៏ដូចជាបង្កើនលទ្ធភាពក្នុងការពង្រីកការដាំដុះ និងលើកកម្ពស់គុណភាពនៃផលដំណាំរបស់គាត់បន្ថែម។
បងប្រុស ប៊ុនថាត ចាត់ទុកភាពជោគជ័យជាច្រើនកន្លងមករបស់គាត់ គឺបានមកពីការជួយគាំទ្រផ្នែកហិរញ្ញវត្ថុដ៏មានទំនុកចិត្តពី អិលអូអិលស៊ី (LOLC) ជាមួយនឹងអត្រាការប្រាក់សមរម្យ និងលក្ខខណ្ឌងាយស្រួល។ ជាងនេះទៅទៀត អិលអូអិលស៊ី (LOLC) បានចែករំលែកនូវចំណេះដឹងហិរញ្ញវត្ថុមួយចំនួនបន្ថែមដល់បងប្រុស អំពីការប្រើប្រាស់កម្ចីឱ្យចំគោលដៅ និងចៀសវាងការប្រើប្រាស់កម្ចីខុសគោលដៅ ឬយកប្រាក់កម្ចីទៅចែកគ្នាបន្ត។ ហើយការយល់ដឹងនេះបានដើរតួយ៉ាងសំខាន់ក្នុងការទ្រទ្រង់ និងធ្វើឱ្យអាជីវកម្មរបស់គាត់មានភាពរីកចម្រើនក៏ដូចជាធ្វើឱ្យប្រសើរឡើងនូវស្ថិរភាពហិរញ្ញវត្ថុរបស់គ្រួសារគាត់ផងដែរ។
បងស្រី លាប់ ចិន្តា គឺជាអាជីវករលក់គ្រឿងសំណង់ម្នាក់
បងស្រី លាប់ ចិន្តា គឺជាអាជីវករលក់គ្រឿងសំណង់ម្នាក់នៅភូមិប្រផុង ឃុំសំរោងលើ ស្រុកបន្ទាយមាស ខេត្តកំពត។ ត្រលប់ទៅប៉ុន្មានឆ្នាំមុន បងស្រី ចិន្ដា អាចរកចំណូលបានសម្រាប់តែផ្គត់ផ្គង់ក្នុងគ្រួសារតែប៉ុណ្ណោះ ព្រោះគាត់មិនមានប្រាក់សន្សំសម្រាប់ប្រើប្រាស់ជាទុនក្នុងការពង្រីកអាជីវកម្មរបស់គាត់ឱ្យល្អប្រសើរជាងនេះឡើយ។ យ៉ាងណាមិញ ក្តីស្រមៃ និងឆន្ទះរបស់ បងស្រីនៅតែមានចំពោះការពង្រីកអាជីវកម្មឱ្យរីកលូតលាស់ និងរីកចម្រើនជាងនេះ។
ដើម្បីដោះស្រាយបញ្ហាហិរញ្ញវត្ថុខាងលើ បងស្រីបានគិតគូរយ៉ាងច្បាស់លាស់ក្នុងការសើ្នប្រាក់កម្ចីពី អិលអូអិលស៊ី (LOLC) នៅឆ្នាំ២០១៤ ដើម្បីពង្រីកអាជីវកម្មឱ្យស្របតាមក្តីស្រមៃរបស់គាត់។ ដោយមើលឃើញពីទិដ្ឋភាពជាក់ស្តែងនៃការរីកលូតលាស់លើអាជីវកម្ម បងស្រី ចិន្ដា បានសើ្នប្រាក់កម្ចីលើកទីពីរ ដើម្បីបង្កើតមុខរបរជួសជុលម៉ូតូថ្មីមួយទៀតសម្រាប់ស្វាមី បន្ថែមពីលើអាជីវកម្មដែលមានស្រាប់របស់គាត់។ បងស្រី ចិន្ដា ក៏បានស្នើប្រាក់កម្ចីពីរវគ្គបន្ថែមទៀត ដើម្បីពង្រីកអាជីវកម្ម និងមុខរបរទាំងពីរខាងលើឱ្យកាន់តែមានសក្តានុពល និងភាពរីកចម្រើន។
ដោយមានការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ជីវភាព និងការរស់នៅរបស់ បងស្រី ចិន្ដា និងគ្រួសារកាន់តែរីកចម្រើន និងល្អប្រសើរ ដោយគាត់អាចរកចំណូលបានច្រើនជាងមុន និងមានលទ្ធភាពកែលម្អគេហដ្ឋានរបស់គាត់ឱ្យមានផាសុកភាពក្នុងការរស់នៅផងដែរ។
សាច់រឿងដែល បងស្រី ចិន្ដា បានរៀបរាប់ខាងលើនេះ បានបង្ហាញយ៉ាងច្បាស់ថា ប្រាក់កម្ចីដែលជាជំនួយផ្នែកហិរញ្ញវត្ថុរបស់ អិលអូអិលស៊ី (LOLC) ពិតជាបានរួមចំណែកកសាងជីវភាពរបស់អតិថិជនឱ្យកាន់តែល្អប្រសើរ ក្នុងដំណើររីកលូតលាស់ប្រកបដោយចីរភាព និងភាពរីកចម្រើនទាំងអស់គ្នា។
បងស្រី ផា ឌីណា កំពុងមមាញឹកជាមួយការប្រកបរបរលក់ចាប់ហួយ និងពងទារបស់គាត់ដោយក្ដីរីករាយជាមួយនឹងភាពរីកចម្រើនរបស់គាត់
ក្រឡេកទៅមើលបងស្រី ផា ឌីណា កំពុងមមាញឹកជាមួយការប្រកបរបរលក់ចាប់ហួយ និងពងទារបស់គាត់ដោយក្ដីរីករាយជាមួយនឹងភាពរីកចម្រើនរបស់គាត់ ដែលមានទីតាំងស្ថិតនៅក្រុងបានលុងក្នុងខេត្តរតនគិរី ភូមិភាគឦសាននៃប្រទេសកម្ពុជា។ បងស្រី បានរំឭកថា មុនពេលស្វែងរកការគាំទ្រផ្នែកហិរញ្ញវត្ថុពី អិលអូអិលស៊ី (LOLC) គាត់បានប្រឈមជាមួយនឹងបញ្ហាហិរញ្ញវត្ថុជាច្រើនក្នុងការពង្រីកអាជីវកម្ម ក៏ដូចជាការជួសជុល និងកែលម្អផ្ទះរបស់គាត់ផងដែរ។
នៅក្នុងឆ្នាំ២០២២ បងស្រី ឌីណា បានស្នើប្រាក់កម្ចីដំបូងពី អិលអូអិលស៊ី (LOLC) សម្រាប់ប្រើប្រាស់ជាទុនក្នុងការពង្រីកអាជីវកម្មរបស់គាត់។ ភាពរីកចម្រើននៃដំណើរអាជីវកម្មបានជំរុញទឹកចិត្តឱ្យបងស្រីសម្រេចស្នើប្រាក់កម្ចីបន្ថែមជាលើកទីពីរដើម្បីទិញពងទាស្តុកទុកបន្ថែម សម្រាប់បោះឱ្យឈ្មួញកណ្ដាលរបស់គាត់ ហើយប្រាក់ដែលនៅសល់គាត់ក៏បានយកមកទិញអីវ៉ាន់បន្ថែមសម្រាប់មុខរបរលក់ចាប់ហួយរបស់គាត់ផងដែរ។
ជាលទ្ធផលនៃការប្រើប្រាស់ប្រាក់កម្ចីទាំងពីរវគ្គខាងលើ គឺពិតជាបានហុចផ្លែផ្កាដល់អាជីវកម្មរបស់បងស្រីឱ្យរីកចម្រើនប្រាកដមែន ដោយប្រាក់ចំណូលប្រចាំថ្ងៃរបស់គាត់ពីការលក់ពងទា និងមុខរបរលក់ចាប់ហួយបានកើនឡើង។ ដោយមើលឃើញពីភាពរីកចម្រើនយ៉ាងពិតប្រាកដពីការប្រើប្រាស់ជំនួយផ្នែកហិរញ្ញវត្ថុពី អិលអូអិលស៊ី (LOLC) បងស្រីក៏បានសើ្នប្រាក់កម្ចីជាបន្តបន្ទាប់ទៀតរហូតដល់៤វគ្គជាប់ៗគ្នា ដើម្បីជាទុនបង្វិលបន្ថែមផងដែរ។
ប្រាក់កម្ចីពី អិលអូអិលស៊ី (LOLC) បានធ្វើឱ្យជីវភាព និងអាជីវកម្មរបស់ បងស្រី ឌីណា រីកចម្រើនសមតាមសេចក្តីប្រាថ្នា។ ដោយបច្ចុប្បន្ន ក្រៅពីអាជីវកម្មដែលមានភាពរីកចម្រើនរបស់គាត់ បងស្រី ក៏មានលទ្ធភាពក្នុងការកែលម្អគេហដ្ឋាន ហើយថែមទាំងបានទិញម៉ូតូមួយគ្រឿងសម្រាប់ប្រើប្រាស់ជាមធ្យោបាយធ្វើដំណើរ និងមានភាពងាយស្រួលជាងមុន។ គាត់ជឿជាក់យ៉ាងមុតមាំថា ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ពិតជាបានធ្វើឱ្យប្រសើរឡើងយ៉ាងខ្លាំងនូវស្ថានភាព និងអនាគតរបស់គ្រួសារគាត់។
#LOLCCambodia #clientsuccessstory
អ្នកមីង ភោគ ធីតា ជាអាជីវករលក់ស្បែកជើងនៅផ្សារលើ
អ្នកមីង ភោគ ធីតា ចាប់យកឱកាសដោយជ្រើសរើស អិលអូអិលស៊ី (LOLC) ដើម្បីជួយគាំទ្រផ្នែកហិរញ្ញវត្ថុធ្វើឱ្យអាជីវកម្មរីកចម្រើន។ ដោយមើលឃើញពីឱកាសក្នុងការបង្កើនប្រាក់ចំណូល ទន្ទឹមនឹងមានតម្រូវការដើមទុនបន្ថែមសម្រាប់ពង្រីកមុខរបរផងដែរនោះ អ្នកមីង ភោគ ធីតា ដែលជាអាជីវករលក់ស្បែកជើងនៅផ្សារលើ ស្ថិតនៅភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង បានសើ្នកម្ចីពី អិលអូអិលស៊ី (LOLC) ចំនួនពីរវគ្គសម្រាប់ពង្រីកអាជីវកម្ម ដោយកម្ចីទីមួយរបស់គាត់បានប្រើប្រាស់ដើម្បីទិញតូបបន្ថែម និងកម្ចីទីពីរគឺដើម្បីទិញស្បែកជើងបន្ថែមសម្រាប់លក់។ ប្រាក់កម្ចីរបស់ អិលអូអិលស៊ី (LOLC) ពិតជាបានជួយឱ្យអាជីវកម្មរបស់ អ្នកមីង ភោគ ធីតា មានភាពរីកចម្រើនជាខ្លាំង។ ព្រោះតាមរយៈនេះ បានធ្វើឱ្យអ្នកមីងមានដើមទុនគ្រប់គ្រាន់ក្នុងការទិញទំនិញបន្ថែមសម្រាប់លក់ជូនភ្ញៀវ និងធ្វើឱ្យការលក់របស់គាត់មានការកើនឡើង អាចរកចំណូលបានច្រើនជាងមុនពីមួយថ្ងៃទៅមួយថ្ងៃ ដែលធ្វើឱ្យគាត់មានលទ្ធភាពកែលម្អគេហដ្ឋាន និងពង្រីកដីធ្លីឱ្យបានធំជាងមុន។
ស្របពេលជាមួយគ្នានោះ អ្នកមីងក៏បានថ្លែងអំណរគុណដល់ អិលអូអិលស៊ី (LOLC) ដែលបានផ្តល់កម្ចីជាដើមទុនដល់គាត់ដើម្បីពង្រីកអាជីវកម្មឱ្យរីកចម្រើន ធ្វើឱ្យគាត់អាចរកចំណូលបានខ្ពស់ ព្រមទាំងបានចែករំលែកចំណេះដឹងហិរញ្ញវត្ថុដល់រូបគាត់អំពីការគ្រប់គ្រងសាច់ប្រាក់ឱ្យមានប្រសិទ្ធភាពខ្ពស់ផងដែរ។
បងស្រី វ៉ែន ស៊ី ប្រកបរបរជាអាជីវករលក់សម្ភារអគ្គិសនី និងភេសជ្ជៈ
បន្ថែមលើការផ្តល់ជូនសេវាយ៉ាងឆាប់រហ័ស អិលអូអិលស៊ី (LOLC) ក៏បានចែករំលែកចំណេះដឹងហិរញ្ញវត្ថុដ៏មានប្រយោជន៍ បងស្រី វ៉ែន ស៊ី គឺជាអតិថិជនរបស់ អិលអូអិលស៊ី (LOLC) ដែលបានប្រើប្រាស់កម្ចីតាំងពីឆ្នាំ ២០១៩ រហូតមកដល់ពេលបច្ចុប្បន្ន សរុបចំនួនបួនវគ្គរួចទៅហើយ។ តាមរយៈការប្រើប្រាស់កម្ចីប្រកបដោយប្រសិទ្ធភាព និងចំគោលដៅ បានធ្វើឱ្យជីវភាពរបស់បងស្រី និងក្រុមគ្រួសារមានការរីកចម្រើនគួរឱ្យកត់សម្គាល់។ ជាមួយការប្រកបរបរជាអាជីវករលក់សម្ភារអគ្គិសនី និងភេសជ្ជៈ នៅភូមិប៉ាហ៊ីត្បូង ឃុំប៉ៃលិន ស្រុកប៉ៃលិន ខេត្តប៉ៃលិន បងស្រីវ៉ែន ស៊ី បានឱ្យដឹងថា “ជីវភាពរបស់ខ្ញុំពីពេលមុនគឺមិនជាលំបាកខ្លាំងប៉ុន្មានទេ ប៉ុន្តែខ្ញុំចង់ពង្រីកអាជីវកម្មរបស់ខ្ញុំឱ្យធំជាងមុន ទើបខ្ញុំយល់ថាការរង់ចាំប្រាក់សន្សំអាចនឹងចំណាយពេលយូរស្របពេលដែលប្រាក់ចំណូលពីការលក់មានស្ថិរភាពផងនោះ ទើបខ្ញុំសម្រេចចិត្តស្វែងរកប្រាក់កម្ចីពីស្ថាប័នផ្លូវការដែលអាចជួយខ្ញុំឱ្យសម្រេចគោលបំណងរបស់ខ្ញុំបាន ជាលទ្ធផលខ្ញុំក៏បានសម្រេចចិត្តជ្រើសរើស អិលអូអិលស៊ី (LOLC) ព្រោះតាមរយៈព័ត៌មានដែលទទួលបានគឺ អិលអូអិលស៊ី (LOLC) មានគុណវុឌ្ឍិគ្រប់គ្រាន់ដើម្បីផ្តល់ដំណោះស្រាយហិរញ្ញវត្ថុក្នុងគោលបំណងពង្រីកអាជីវកម្មនេះ។
ក្រៅពីពង្រីកមុខរបរ ខ្ញុំក៏បានប្រើប្រាស់ប្រាក់កម្ចីដែលទទួលបានពី អិលអូអិលស៊ី (LOLC) ក្នុងគោលបំណងផ្សេងទៀតដូចជា ជួសជុលបន្ទប់ទឹក និងទិញម៉ូតូមួយគ្រឿងសម្រាប់ប្រើប្រាស់ក្នុងគ្រួសារ។” បងស្រីបានបញ្ជាក់ថា ប្រាក់កម្ចីរបស់ អិលអូអិលស៊ី (LOLC) ពិតជាបានចូលរួមយ៉ាងសំខាន់ដើម្បីសម្រេចបំណងប្រាថ្នារបស់បងស្រីក្នុងការពង្រីកអាជីវកម្មឱ្យមានការរីកចម្រើន ជីវភាពល្អប្រសើរ មានបន្ទប់ទឹកដែលមានផាសុកភាព និងម៉ូតូសម្រាប់ជាមធ្យោបាយធ្វើដំណើរយ៉ាងសមរម្យថែមទៀតផង។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
